What is Waiting List - RAC, GNWL, RLWL, RLGN, PQWL, RSWL, RQWL And TQWL in Indian Railway Ticket (IRCTC)

Indian Railway में waiting list कौन-कौन सी होती है और इनका क्या मतलब है?

Indian Railway ki waiting ticket mein kuch chijen short form mein likhi hoti Hai jaise RAC, GNWL, PQWL, RLWL, RLGN, RSWL, RQWL, TQWL. Magar aapne kabhi Socha Hai Ki Inka matlab kya hota hai maximum log inhe dekh kar confuse ho jaate Hain aur samajh nahi paate Ki unka ticket confirm hoga ya nahi. Aur nahi jante Ki in short form ka kya matlab hota hai aur inki confirm hone ki kitni possibility rahti hai.

Indian Railway mein waiting list kaun-kaun si hoti hai aur Inka kya matlab hai ?

RAC - Reservation Against Cancellation ticket tab issue Ki jati Hai jab kisi train ki confirm seats full Ho jaati Hai uske bad RAC Quota ki seats aati Hai jismein yatri yatra to kar sakta hai lekin Puri yatra baith kar karni padati hai matlab usse full berth (seat) nahi milti. Half berth (seat) mil paati hai. yeh ticket bhi 100% confirm hi hoti hai.

GNWL - General Waiting List yeh ticket tab issue ki jaati Hai jab yatri kisi train ke starting station se ya aas-paas ke station se yatra start karta hai. yeh sabse normal waiting list hai aur is category ki ticket confirm hone ke maximum chances hote Hai.

PQWL - Pooled Quota Waiting List yeh ticket tab issue ki jaati Hai jab kisi train ke starting station se lekar last station ke beech mein aane wale kai chhote stations mein yeh waiting list jari Ki jati hai. Ya ticket tabhi confirm hoti Hai jab pooled Quota station Main Koi pessenger apni confirm seat cancel karta hai tab jakar PQWL wale ko confirm seat milti hai. pooled Quota station se train ke start hone se 2-3 ghante pahle apna chart taiyar karte hai. Is ticket ke confirm hone ke chances kam hote Hai.

RLWL - Remote Location Waiting List yeh ticket tab issue Ki jati hai jab kisi train ke starting station station se lekar last station ke beech mein aane wale important Town aur City ke station main yeh waiting list jari ki jaati Hai. In station ko Intermediate station Kaha jata hai. Ya ticket tabhi confirm hoti Hai jab remote location station Main Koi pessenger apni confirm seat cancel karta hai tab jakar RLWL wale ko confirm seat milti hai. Remote Location station se train ke start hone se 2-3 ghante pahle apna chart taiyar karte hai. Is ticket ke confirm hone ke chances kam hote Hain.

RLGN - Remote Location General waiting list yeh ticket tab issue Ki jati Hai jab yatri ticket book karta hai aur vah ticket waiting list Quota matlab RLWL (remote location waiting list) main transfer ho jata hai. To iska naam change karke RLGN (remote location general) ho jata hai.

RSWL - Roadside Station Waiting List yeh ticket tab issue Ki jati Hai jab train starting station se road side station ya uske paas padhne wale station ke liye book karai jaati Hai. Is waiting ticket mein bhi confirm hone ke chances kafi kam hote Hain.

RQWL - Request Waiting List Ticket yeh tab issue Ki jati hai jab kisi Intermediate station se dusre Intermediate station Tak ke liye booking karai jaati hai aur Agar vah normal Quota, remote location Quota ya pooled Quota ke Andar nahi aati hai to Railway us request ko Request Waiting List mein bhej deti Hai.

TQWL - Tatkal Quota Waiting List pahle CKWL Kaha jata tha. Saal 2016 mein iska naam badla Gaya. PQWL tatkal quota ki waiting list Hai chart banne se pahle Agar tatkal quota ka confirm ticket cancel karaya jata Hai To PQWL ticket apne aap confirm list mein upar aa jata hai. Is category mein RAC (reservation against cancellation) ticket ka option nahin milta. Is ticket ke confirm hone ke chances kafi kam hote Hai.

Note:- rule ke hisab se koi si bhi waiting list ki ticket Agar last time tak confirm nahi hoti to Railway usse automatically cancel kar deta hai aur ismein koi cancellation charges nahi liye jaate 100% amount refund kar diya jata hai.
NEXT ARTICLE Next Post
PREVIOUS ARTICLE Previous Post
NEXT ARTICLE Next Post
PREVIOUS ARTICLE Previous Post
 

Delivered by FeedBurner